Leader World News Admin Panel

బాలీవుడ్ స్టార్ హీరో సల్మాన్ ఖాన్ 'సికిందర్' మూవీలో నటిస్తున్నారు. ఈ మూవీలో సల్మాన్ సరసన హీరోయిన్‌గా రష్మిక మందన్నా నటిస్తోంది. అయితే ఈ సినిమా షూటింగ్ ప్రస్తుతం తెలంగాణ రాజధాని హైదరాబాద్‌లో జరుగుతోంది. సిటీలో రాయల్ హోటల్‌గా గుర్తింపు ఉన్న ఫలక్‌నుమా ప్యాలెస్‌లో షూటింగ్ నిర్వహిస్తున్నారు. సల్మాన్‌కు ప్రాణహాని ఉన్న నేపథ్యంలో రక్షణగా 70 మందికిపైగా సిబ్బంది ఉన్నట్లు తెలుస్తోంది. వీరిలో ఎన్ఎస్‌జీ కమాండోలతో పాటు పోలీస్ సిబ్బంది, వ్యక్తిగత రక్షణ దళం ఉంది. ఈ క్రమంలో నాలుగు లేయర్ల భద్రతను సల్మాన్‌కు కల్పించారు. ఇప్పటికే సల్మాన్‌కు కేంద్ర ప్రభుత్వం వై ప్లస్ భద్రత కల్పించింది. సల్మాన్ భద్రత నేపథ్యంలో సెక్యూరిటీ సిబ్బంది హోటల్‌ను తమ అధీనంలోకి తీసుకున్నట్లు తెలుస్తోంది.