అంబేద్కర్ విగ్రహానికి పూలమాల వేసిన మంత్రి సంధ్యారాణి...

పట్టణంలో నాలుగో వార్డు లో  అంబేద్కర్ వర్ధంతి సందర్భంగా పట్టణంలో పెద్ద వీధిలో ఉన్న అంబేద్కర్ విగ్రహానికి గిరిజన సంక్షేమ శాఖ మరియు స్త్రీ శిశు సంక్షేమ శాఖ మంత్రి గుమ్మడి సంధ్యారాణి పూలమాలలు వేసి నివాళులు సమర్పించారు. ఈ సందర్భంగా ఆమె మాట్లాడుతూ ఈరోజు మనం అందరం రిజర్వేషన్లు అనుభవిస్తున్నామంటే ఆ మహానుభావుడు వలనే అన్నారు. ఆయన భారతదేశానికే ఒక స్ఫూర్తి అని కొనియాడారు. నాలుగవ వార్డు ఐదవ వార్డు ప్రజలకి ఏవిధంగా ఉపయోగపడతాను మీరందరూ ఉద్యోగుల విషయంలో గాని ఏ సమస్యలు గాని నా దగ్గరికి వచ్చి పరిష్కరించు కోవచ్చనని ఆమె తెలిపారు. మాజీ ఎమ్మెల్యే ఆర్ పి భంజ్ దేవ్ మాట్లాడారు. పట్టణ తెలుగుదేశం పార్టీ అధ్యక్షులు నిమ్మది తిరుపతిరావు మరియు తెలుగుదేశం పార్టీ నాయకులు, కార్యకర్తలు అభిమానులందరూ పాల్గొన్నారు.