ప్రభాస్‌ సినిమాకి పోటీగా ఇడ్లీ మూవీ ధైర్యం చేస్తున్న ధనుష్!

పాన్ ఇండియా హీరో ప్రభాస్ సినిమా వస్తుందంటే మిగతా ఏ ఇండస్ట్రీల్లోనూ ఆ టైమ్‪‌కి వేరే పెద్ద హీరోల చిత్రాలు రిలీజ్‌కి పెట్టుకోరు. ఒకవేళ అలా కాదనుకుంటే షారుక్ 'డంకీ' మూవీకి అయినట్లు కలెక్షన్స్ డ్యామేజ్ అవ్వొచ్చు. కానీ తమిళ హీరో ధనుష్ మాత్రం తన కొత్త మూవీని 'రాజాసాబ్'కి పోటీగా బరిలో నిలబెట్టాడు. సలార్, కల్కి 2898ఏడీ లాంటి బ్లాక్ బస్టర్ హిట్స్ తర్వాత ప్రభాస్ చేస్తున్న సినిమా 'రాజాసాబ్'. హారర్ కామెడీ బ్యాక్ డ్రాప్ స్టోరీతో తీస్తున్న ఈ మూవీకి మారుతి దర్శకుడు. చాలావరకు షూటింగ్ పూర్తయింది. రాజాసాబ్ సినిమా వచ్చే ఏడాది ఏప్రిల్ 10న రిలీజ్ అని ఇప్పటికే ప్రకటించేశారు. ఇందులో ఏ మార్పు ఉండకపోవచ్చు. కానీ ధనుష్ నటిస్తూ, దర్శకత్వం వహిస్తున్న తమిళ సినిమా 'ఇడ్లీ కడై' (ఇడ్లీ మాత్రమే) ఏప్రిల్ 10నే థియేటర్లలో రిలీజ్ చేయబోతున్నట్లు అధికారికంగా ప్రకటించారు. ధనుష్ మూవీ అంటే తెలుగులోనూ రిలీజ్ అవుతుంది. తెలుగులో అదే రోజు రిలీజైతే ధనుష్ పెద్దగా నష్టపోయేది ఏమీ ఉండదు. కానీ.. తమిళంలో మాత్రం థియేటర్ల, కలెక్షన్ దగ్గర 'రాజాసాబ్'కి ఇ‍డ్లీ మూవీ వల్ల బాగా ఢీలాపడే అవకాశం ఉంది.