రజనీకాంత్ ఆత్మకథను రాయనున్నారా...?

సూపర్ స్టార్ రజనీకాంత్‌కు సంబంధించి ఓ ఆసక్తికరమైన వార్త ఇప్పుడు సోషల్ మీడియాలో చక్కర్లు కొడుతోంది. ప్రస్తుతం కూలీ, జైలర్ మూవీ షూటింగ్‌లలో బిజీగా ఉన్న రజనీకాంత్ .. ఆ సినిమాలు పూర్తి అయిన తర్వాత తన ఆత్మకథ రాయనున్నారని ప్రచారం జరుగుతోంది. అయితే రజనీకాంత్ తన ఆత్మకథను రాయబోతున్నారు అన్న వార్తే అభిమానుల్లో ఆనందాన్ని నింపుతోంది. బస్ కండక్టర్‌గా తొలుత జీవనాన్ని ప్రారంభించి ఆ తర్వాత ఓ స్నేహితుడి సలహాతో సినిమా ఇండస్ట్రీలోకి వచ్చారని మాత్రం చాలా మందికి తెలుసు. దక్షిణాది చిత్రాలతో పాటు హిందీలోనూ రజనీకాంత్ నటించారు. సూపర్ స్టార్‌గా ఎదిగినా చాలా నిరాడంబరమైన జీవితాన్ని గడుపుతూ ఎంతో మంది అభిమానులను రజనీకాంత్ సంపాదించుకున్నారు. ఆయనకు భారతదేశంలోనే కాక జపాన్ తదితర దేశాల్లోనూ పెద్ద సంఖ్యలో అభిమానులు ఉన్నారు. రజనీకాంత్ పేరుతో ఫ్యాన్స్ క్లబ్ కూడా ఉన్నాయి.