తండ్రి మరణంతో పుట్టెడు దుఃఖంలో నారా రోహత్.. దగ్గరకు తీసుకుని ఓదార్చిన చంద్రబాబు..

ఏపీ ముఖ్యమంత్రి నారా చంద్రబాబు నాయుడు సోదరుడు, టీడీపీ మాజీ ఎమ్మెల్యే నారా రామ్మూర్తి నాయుడు కన్నుమూశారు. అనారోగ్యంతో హైదరాబాద్ గచ్చిబౌలి ఏఐజీ ఆస్పత్రిలో చికిత్స పొందుతున్న ఆయన శనివారం తుదిశ్వాస విడిచారు.రామ్మూర్తి నాయుడు కన్నుమూయడంతో అతని కుమారులు హీరో నారా రోహిత్, గిరీశ్ శోక సంద్రంలో మునిగిపోయారు. ముఖ్యంగా తండ్రి భౌతిక కాయాన్ని చూసి నారా రోహిత్ కన్నీటి పర్యంతమయ్యాడు. ఇది గమనించిన చంద్ర బాబు రోహిత్, గిరీశ్ లను దగ్గరకు తీసుకుని ఓదార్చారు. రామ్మూర్తి నాయుడి భౌతిక కాయాన్ని ఆయన స్వగ్రామం నారావారిపల్లెకు తరలించనున్నారు. ఈ రోజు అక్కడే అంతిమ సంస్కారాలు నిర్వహించే అవకాశం ఉంది. ఇటీవల నారా రోహిత్ ఎంగేజ్మెంట్ జరిగింది. నటి సిరి లెల్లతో త్వరలో వివాహబంధంలోకి అడుగు పెట్టుందుకు రోహిత్ రెడీ అయ్యాడు. ఇలాంటి సమయంలో అతని ఇంట విషాద ఛాయలు అలుముకున్నాయి.