పంత్ సోదరి వివాహ వేడుక.. పాట పాడిన‌ ధోనీ దంప‌తులు...

టీమిండియా వికెట్ కీపర్, బ్యాటర్ రిషభ్‌ పంత్ సోదరి సాక్షి వివాహ వేడుకలకు భారత మాజీ కెప్టెన్ మ‌హేంద్ర సింగ్‌ ధోనీ దంప‌తులు, మాజీ ప్లేయ‌ర్‌ సురేశ్‌ రైనా హాజరయ్యారు. ఈ వేడుక ముస్సోరీలోని ది స‌వాయి హోటల్‌లో జరిగింది. బిజినెస్ మెన్‌ అంకిత్ చౌదరితో పంత్ సోదరి వివాహం జ‌రిగింది. ఇక ఈ వివాహ వేడుక కోసం ధోనీ తన భార్య సాక్షితో కలిసి మంగళవారం సాయంత్రమే ముస్సోరీ చేరుకున్నాడు.  మెహందీ, సంగీత్ వేడుకలలో ధోనీ దంప‌తులు సంద‌డి చేశారు. ఇక ఈ పెళ్లిలో ధోనీ, రైనాతో పాటు టీమిండియా ప్ర‌స్తుత‌ హెడ్ కోచ్ గౌతం గంభీర్ కూడా సంద‌డి చేశారు.