మహారాష్ట్ర, జార్ఖండ్‌ అసెంబ్లీ ఎన్నికల పోలింగ్‌

మహారాష్ట్ర,  జార్ఖండ్‌లలో అసెంబ్లీ ఎన్నికల పోలింగ్‌ బుధవారం కొనసాగుతోంది. ఉదయం 7 గంటలకు ఓటింగ్‌ మొదలవగా..   మధ్నాహ్నం తరువాత పోలింగ్‌ ఊపందుకుంది.   మహారాష్ట్రలో పోలింగ్‌ ప్రశాంతంగా జరుగుతుండగా  జార్ఖండ్‌లో మాత్రం అక్కడక్కడా ఉద్రిక్త పరిస్థితులు కనిపించాయి.  మహారాష్ట్రలోని మొత్తం 288 అసెంబ్లీ స్థానాలకు ఒకే విడతలో పోలింగ్‌ జరగుతోంది. జార్ఖండ్‌లోని మొత్తం 81 స్థానాలకుగానూ రెండో విడతలో 38 స్థానాల్లో ఓటింగ్‌ కొనసాగుతోంది.  జార్ఖండ్‌ అసెంబ్లీ ఎన్నికల రెండవ దశ పోలింగ్‌ ప్రారంభానికి కొన్ని గంటల ముందు మావోయిస్టులు ఐదు ట్రక్కులను తగులబెట్టినట్లు పోలీసులు తెలిపారు.