వైఎస్సార్‌కు జగన్‌ నివాళి 3 రోజుల పాటు పులివెందులలో పర్యటన

వైసీపీ అధ్యక్షుడు వైఎస్‌ జగన్‌ మంగళవారం పులివెందుల నియోజకవర్గం  ఇడుపులపాయలో పర్యటించారు. ఇడుపులపాయలోని వైఎస్సార్‌ ఘాట్‌ వద్ద దివంగత సీఎం వైఎస్‌ రాజశేఖర్‌రెడ్డి విగ్రహానికి పూలమాల వేసి నివాళులర్పించారు. ఈ కార్యక్రమంలో వైఎస్‌ జగన్‌ వెంట పలువురు మాజీ మంత్రులు, మాజీ ఎమ్మెల్యేలు, పార్టీ ముఖ్యనాయకులు పాల్గొని వైఎస్సార్‌కు నివాళులర్పించారు. కాగా,  జగన్‌ మంగళవారం ఉదయమే బెంగళూరు నుంచి ఇడుపులపాయకు చేరుకున్నారు. మూడు రోజుల పాటు పులివెందులలో పర్యటించనున్నారు. ఈ పర్యటనలో పులివెందుల ప్రజలతో పాటు పార్టీ నాయకులను   కలవనున్నారు.