సూర్య‌కుమార్ యాద‌వ్ నాయ‌క‌త్వంలోని యంగ్ ఇండియా అద‌ర‌గొట్టింది. ద‌క్షిణాప్రికాతో జ‌రిగిన నాలుగు మ్యాచుల టీ20 సిరీస్‌ను 3-1తేడాతో కైవ‌సం చేసుకుంది. ఇక ఈ మ్యాచ్‌లో జ‌రిగిన ఓ ఘ‌ట‌న‌కు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది. భారీ ల‌క్ష్య ఛేద‌న‌కు దిగిన సౌతాఫ్రికా కు భార‌త బౌల‌ర్లు చుక్క‌లు చూపించారు. ఓ వికెట్ ప‌డిన సంద‌ర్భంలో భార‌త ఆట‌గాళ్లు సంబ‌రాలు చేసుకుంటున్నారు. ఆ స‌మ‌యంలో రింకూ సింగ్ క్యాప్ నేల‌పై ప‌డిపోయింది. కెప్టెన్ సూర్య‌కుమార్ యాద‌వ్ చూడ‌కుండా దానిపై అడుగుపెట్టాడు. అయితే.. గ్ర‌హించిన వెంట‌నే సూర్య అడుగు తీసి వేశాడు. సంబ‌రాల‌ను మ‌ధ్య‌లోనే ఆపి.. నేల‌పై ప‌డి ఉన్న క్యాప్‌ను అందుకున్నాడు. గౌర‌వంగా దాన్ని ముద్దు పెట్టుకున్నాడు. తిరిగి రింకూ సింగ్‌కు క్యాప్‌ను అందించాడు.
![{[setting('site_name')]}](https://leaderworldnews.com/uploads/setting/1698755902915697269.webp)
