ప్రస్తుత ఏడాది 2024లో టీమిండియా టీ20 క్రికెట్ షెడ్యూల్ ముగిసింది. ఇటీవలే ఆడిన దక్షిణాఫ్రికా సిరీస్ చివరిది. ఈ సిరీస్‌ను 3-1 తేడాతో గెలుచుకోవడం ద్వారా 2024కి భారత టీ20 జట్టు గ్రాండ్‌గా వీడ్కోలు పలికింది. ఈ ఏడాది భారత జట్టుకు, క్రికెట్ అభిమానులకు చిరస్మరణీయంగా నిలిచిపోతుంది. ఎందుకంటే 11 ఏళ్ల తర్వాత టీ20 ప్రపంచ కప్-2024ను భారత్ ముద్దాడింది. అంతేకాదు ఈ సంవత్సరం జరిగిన ఐదు ద్వైపాక్షిక టీ20 సిరీస్‌లను గెలుచుకుంది. మరో విశేషం ఏమిటంటే.. స్టార్ ప్లేయర్లు విరాట్ కోహ్లీ, రోహిత్ శర్మ, రవీంద్ర జడేజా టీ20 ఫార్మాట్‌కు రిటైర్మెంట్ ప్రకటించారు. ఈ ఏడాది కేవలం రెండు టీ20 మ్యాచ్‌ల్లో మాత్రమే భారత జట్టు ఓడిపోయింది. జింబాబ్వే, దక్షిణాఫ్రికా జట్లు మాత్రమే భారత్‌ను ఒక్కోసారి ఓడించాయి. ఈ ఏడాది భారత్ మొత్తం 26 టీ20 మ్యాచ్‌లు ఆడగా రికార్డు స్థాయిలో 24 విజయాలు సాధించింది.
![{[setting('site_name')]}](https://leaderworldnews.com/uploads/setting/1698755902915697269.webp)
