ఆర్‌ఐఎన్‌ఎల్‌కు పూర్వ వైభవం తెచ్చేందుకు, అభివృద్ధి సాధించేందుకు శ్రీసత్యసాయి సేవా సమితి ఉక్కునగరం శాఖ, సప్తరుషి వేద పాఠశాల సంయుక్తంగా ఇక్కడి ఉక్కు నగరం సెక్టార్‌`2లోని శ్రీసత్యసాయి మందిరంలో నిర్వహించిన చండీ హోమం ఆధ్యాత్మికతోవలో సాగింది. స్టీల్‌ ప్లాంట్‌కు పూర్వ వైభవాన్ని తెప్పించేందుకు చేసే ప్రయత్నంలో భాగంగా పూజ్య గురువులు, వేద పండితుల సాక్షిగా ఈ పవిత్ర చండీ హోమాన్ని నిర్వహించారు. ప్రముఖ గురువులు ఎం. మాధవ శర్మ, దువ్వాడలోని శ్రీరామ్‌ నగర్‌కు చెందిన సప్తరుషి వేద పాఠశాల ఆధ్వర్యంలో ఈ పూజలు నిర్వహించారు. ఈ ఆధ్యాత్మిక ప్రయత్నంలో ప్రముఖ ఆధ్యాత్మిక శాస్త్రవేత్త ఆచార్య వీఎస్సార్‌ మూర్తి, శ్రీ సత్య సాయి సేవా సంస్థల విశాఖ జిల్లా అధ్యక్షులు పీఆర్‌ఎస్‌ఎన్‌ నాయుడు, ఆ సంఘం కన్వీనర్‌ జి.రామకృష్ణ, విశాఖ ఉక్కు కర్మాగార ఫైనాన్స్‌ అండ్‌ అకౌంట్స్‌ విభాగాధిపతి, సీజీఎం వి.శాంతికుమార్‌తో పాటు అధిక సంఖ్యలో భక్తులు పాల్గొన్నారు.
![{[setting('site_name')]}](https://leaderworldnews.com/uploads/setting/1698755902915697269.webp)
