కోహ్లీ, మరో ఇద్దరు మినహా టీం మొత్తాన్ని మార్చేసిన ఆర్సీబీ యాజమాన్యం..

ఇండియన్ ప్రీమియర్ లీగ్ సీజన్ 2025కు సంబంధించిన మెగా వేలం రసవత్తరంగా కొనసాగింది. ఐపీఎల్ లో పాల్గొనే మొత్తం పది ప్రాంచైజీలు వేలంలో పాల్గొన్నాయి. రెండు రోజులు జరిగిన వేలంలో మొత్తం 182 మంది క్రికెటర్లను ప్రాంఛైజీలు కొనుగోలు చేశాయి. ఇందులో 62 మంది విదేశీల ఆటగాళ్లు ఉన్నారు. ఎనిమిది మందిని జట్లు ఆర్టీఎం చేసుకున్నాయి. అన్ని జట్లు కలిపి ఆటగాళ్ల కోసం మొత్తం రూ.639.15 కోట్లు ఖర్చు చేశాయి. ఇదిలాఉంటే.. ఈ వేలంలో రాయల్ ఛాలెంజర్స్ బెంగళూరు ప్రాంచైజీ యాజమాన్యం ఆటగాళ్ల కొనుగోలులో గతంకంటే కాస్త భిన్నంగా వ్యవహరించింది. రెండు రోజులు జరిగిన వేలంలో ఆర్సీబీ యాజమాన్యం 22 మంది క్రికెటర్లను దక్కించుకుంది. ఇందులో ఎనిమిది మంది విదేశీ ఆటగాళ్లు ఉన్నారు.