చిరంజీవి కల తీరిందా? 17 ఏళ్ళ క్రితం వజ్రోత్సవంలో చిరంజీవి బాధ...

గతంలో తెలుగు సినిమా వజ్రోత్సవం 2007లో జరిగినప్పుడు చిరంజీవి ఆ ఈవెంట్లో ఇచ్చిన స్పీచ్ లో తెలుగు సినిమాలకు, తెలుగు వారికి బయట రాష్ట్రాల్లో గుర్తింపు లేదు. ముంబై, ఢిల్లీ, గోలా ఫిలిం ఫెస్టివల్స్ లో తెలుగు నటీనటులను పట్టించుకోవట్లేదు. గోవా ఫిలిం ఫెస్టివల్ లో మహానటుడు ఎన్టీఆర్, అక్కినేని నాగేశ్వర రావు గారి ఫోటోలు కూడా లేవు. ఇక మా సంగతి అయితే చెప్పనవసరం లేదు అంటూ బాధపడుతూ ఫైర్ అయ్యారు. ప్రస్తుతం గోవాలో ఇంటర్నేషనల్ ఫిలిం ఫెస్టివల్ ఆఫ్ ఇండియా జరుగుతుంది. ఈసారి ఈ ఫిలిం ఫెస్టివల్ లో మొత్తం టాలీవుడ్ హవానే నడుస్తుంది. ఫిలిం ఫెస్టివల్ రోడ్ షోలో మన టాలీవుడ్ నుంచి బాహుబలి సినిమాకు సంబంధించిన బొమ్మలతో ప్రదర్శన చేసారు. ఈ గౌరవం అందుకున్న మొదటి తెలుగు సినిమా బాహుబలి. అలాగే ఏఎన్నార్ 100 వ జయంతి వేడుకలను నిర్వహించారు. ఏఎన్నార్ క్లాసిక్ సినిమాలను ప్రదర్శించారు. అక్కినేని ఫ్యామిలీ హాజరయ్యారు. కల్కి నిర్మాతలు, నాగార్జున, రానా, తేజ సజ్జ.. పలువురిని సన్మానించి మీడియాతో మాట్లాడే కార్యక్రమాలు చేసారు.