కెప్టెన్ రోహిత్ శర్మ ఖాతాలో అవాంఛిత రికార్డు

ఈ ఏడాది జూన్‌లో జరిగిన టీ20 వరల్డ్ కప్ 2024ను గెలిపించి అందరి ప్రశంసలు అందుకున్న కెప్టెన్ రోహిత్ శర్మ.. ఇప్పుడు తీవ్ర విమర్శలు ఎదుర్కొంటున్నాడు. స్వదేశంలో న్యూజిలాండ్‌తో జరిగిన మూడు మ్యాచ్‌ల టెస్ట్ సిరీస్‌ను 0-3 తేడాతో అవమానకర రీతిలో కోల్పోవడమే ఇందుకు కారణమవుతోంది. మూడు లేదా అంతకంటే ఎక్కువ మ్యాచ్‌ల టెస్ట్ సిరీస్‌లో భారత్‌ స్వదేశంలో వైట్‌వాష్‌కు గురికావడం చాలా కాలం తర్వాత ఇదే తొలిసారి. దీంతో ఈ ఓటమి రోహిత్ శర్మ కెరీర్‌లో ఒక చేదు జ్ఞాపకంగా మిగిలిపోనుంది. మరోవైపు కివీస్ చేతిలో వరుసగా ఎదుర్కొన్న ఈ మూడు ఓటములతో రోహిత్ శర్మ ఖాతాలో ఓ అవాంఛిత రికార్డు చేరింది. స్వదేశంలో అత్యధిక టెస్ట్ ఓటములు చవిచూసిన రెండవ భారత కెప్టెన్‌గా హిట్‌మ్యాన్ నిలిచాడు.