తమిళ మలయాళ సినిమాలపై ఫోకస్ కృతి శెట్టి

తెలుగు తెరకి భారీ విజయంతో పరిచయమైన భామలు కొంతమందే ఉన్నారు. అలాంటి హీరోయిన్స్ లో కృతి శెట్టి ఒకరుగా కనిపిస్తుంది. 'ఉప్పెన' సినిమాతో ఈ బ్యూటీ పరిచయమైంది. ఈ సినిమా విజయంలో ఆమె గ్లామర్ ప్రధానమైన పాత్రను పోషించిందని చెప్పక తప్పదు. ఆ తరువాత అదే జోరును కొనసాగిస్తూ హ్యాట్రిక్ హిట్ ను సొంతం చేసుకుంది. అందంతో పాటు అదృష్టం కూడా ఉందని అంతా అనుకున్నారు. కానీ ఆ తరువాతనే కృతి శెట్టికి పరాజయాలు ఎదురవుతూ రావడం మొదలైంది. గ్లామర్ విషయంలో వంకబెట్టవలసిన పనిలేదు. డాన్స్ విషయంలోను ఈ బ్యూటీ శభాష్ అనిపించుకుంది. ఇక ఈ ట్రెండ్ కి అవసరమైనంత యాక్టింగ్ ఉంది. కానీ దురదృష్టం కొద్దీ ఆమెను ఫ్లాపులు పలకరించడం ఎక్కువైపోయింది. అదే సమయంలో టాలీవుడ్ నుంచి ఆమెకి అవకాశాలు తగ్గడం మొదలైంది. ఈ నేపథ్యంలోనే ఆమె తమిళ .. మలయాళ సినిమాలపై శ్రద్ధ పెట్టింది.