విశాఖలో బ్యాడ్మింటన్ అకాడమీ నిర్మాణానికి పీవీ సింధు భూమిపూజ

విశాఖపట్టణంలో బ్యాడ్మింటన్ అకాడమీ నిర్మాణానికి పీవీ సింధూ భూమిపూజ చేశారు. విశాఖలోని పెదగదిలి కూడలి సమీపంలో రాష్ట్ర ప్రభుత్వం కేటాయించిన స్థలంలో బ్యాడ్మింటన్ అకాడమీ నిర్మాణానికి తల్లిదండ్రులతో కలిసి పీవీ సింధూ భూమి పూజ చేశారు. ఈ సందర్భంగా పీవీ సింధూ మాట్లాడుతూ.. పనులు వేగవంతంగా చేసి ఏడాదిలోగా అకాడమీ పూర్తి చేసేందుకు చర్యలు తీసుకుంటామని చెప్పారు. విశాఖపట్టణంలో బ్యాడ్మింటన్ పై ఆసక్తి ఉన్న చిన్నారులు, యువత ఉన్నత స్థాయి పోటీల్లో ప్రతిభ చూపేలా తీర్చిదిద్దడమే తన లక్ష్యమని, అకాడమీ సామర్థ్యం, శిక్షణ తదితర వివరాలను త్వరలో వెల్లడిస్తానని పీవీ సింధూ తెలిపారు