పోలీసు బ్యాడ్జీల్లో మార్పులు.. తెలంగాణ ప్రభుత్వం కీలక నిర్ణయం

పోలీసు బ్యాడ్జీల్లో మార్పులు చేస్తూ తెలంగాణ ప్రభుత్వం కీలక నిర్ణయం తీసుకుంది. రాష్ట్ర ప్రభుత్వం ఇటీవలే టీఎస్ ఉన్న పేరును టీజీగా మారుస్తూ నిర్ణయం తీసుకుంది. ఇందులో భాగంగానే తెలంగాణ పోలీసు బ్యాడ్జీల్లో కూడా కొత్త మార్పులు తీసుకురావాలని నిర్ణయించింది. మేరకు హోంశాఖ కార్యదర్శి రవి గుప్తా ఆదేశాలు జారీ చేశారు. బ్యాడ్జీల్లో ఏ విధంగా లోగో ఉండాలో కూడా సూచిస్తూ ఉత్తర్వులు జారీ అయ్యాయి. టీఎస్పీ స్థానంలో టీజీపీ, తెలంగాణ స్టేట్ పోలీసు స్థానంలో తెలంగాణ పోలీసు ఉండనున్నాయి. టీఎస్ఎస్పీ స్థానంలో టీజీఎస్పీ , టీఎస్పీఎస్ స్థానంలో టీజీపీఎస్ ఉండే విధంగా బ్యాడ్జిలను రూపొందించినట్టు తెలుస్తోంది.