రోహిత్ శర్మ మరోసారి తండ్రయ్యాడు.. మగబిడ్డకు జన్మనిచ్చిన రితికా సజ్దే

టీమిండియా కెప్టెన్ రోహిత్ శర్మ మరోసారి తండ్రయ్యాడు. ఆయన సతీమణి రితికా సజ్దే పండంటి మగబిడ్డకు జన్మనిచ్చింది. రోహిత్ – రితికా సజ్దేకు 2015 డిసెంబర్ 13న వివాహం జరిగింది. వీరికి 2018 డిసెంబర్ 30న సమైరా అనే కుమార్తె జన్మించింది. తాజాగా శుక్రవారం రాత్రి ముంబైలోని ఓ ఆస్పత్రిలో రుతికా మగ బిడ్డకు జన్మనిచిచ్చింది. బోర్డర్ గావస్కర్ ట్రోపీలో భాగంగా ఆస్ట్రేలియా వేదికగా ఇండియా వర్సెస్ ఆస్ట్రేలియా జట్ల మధ్య ఐదు టెస్టు మ్యాచ్ ల సిరీస్ జరగనుంది. తొలి టెస్టు పెర్త్ లో ఈనెల 22న ప్రారంభం కానుంది. ఇప్పటికే టీమిండియా ప్లేయర్లు ఆస్ట్రేలియా చేరుకొని ప్రాక్టీస్ లో నిమగ్నమయ్యారు. రోహిత్ శర్మ తన సతీమణి రితికా సజ్దే గర్భిణి కావటంతో ఆస్ట్రేలియా టూర్ కు వెళ్లలేదు. ప్రస్తుతం రితికా పండంటి మగబిడ్డకు జన్మనివ్వడంతో రోహిత్ ఆస్ట్రేలియా టూర్ వెళ్లేందుకు సిద్ధమవుతున్నట్లు తెలుస్తోంది.