ఆస్ట్రేలియా టూర్‌కు ఇండియా-ఏ జ‌ట్టు ప్ర‌క‌ట‌న‌ కెప్టెన్‌గా రుతురాజ్ గైక్వాడ్

రాబోయే ఆస్ట్రేలియా పర్యటన కోసం బీసీసీఐ 15 మంది సభ్యులతో కూడిన ఇండియా-ఏ జట్టును ఎంపిక చేసింది. ఈ టూర్‌కు రుతురాజ్ గైక్వాడ్ కెప్టెన్‌గా వ్య‌వ‌హ‌రించ‌నున్నాడు. బెంగాల్‌కు చెందిన‌ అభిమన్యు ఈశ్వరన్ ఈ రెడ్ బాల్ టూర్‌కు వైస్ కెప్టెన్‌గా ఎంపిక‌య్యాడు. రుతురాజ్ సార‌థ్యంలోని భార‌త-ఏ జ‌ట్టు... ఆస్ట్రేలియా-ఏ జ‌ట్టుతో రెండు ఫ‌స్ట్‌క్లాస్ మ్యాచులు, భార‌త జ‌ట్టుతో ఒక ఇంట్రా స్క్వాడ్ మ్యాచ్ ఆడ‌నుంది. కాగా, తాజాగా ఎంపిక చేసిన ఇండియా-ఏ జ‌ట్టులో యువ ఆట‌గాళ్లకి చోటు ల‌భించింది. 15 మంది సభ్యులతో కూడిన ఇండియా-ఏ జట్టు ఆస్ట్రేలియా-ఏతో మాకే, మెల్‌బోర్న్‌లలో రెండు ఫ‌స్ట్‌క్లాస్ మ్యాచ్‌లు ఆడతారు. అలాగే పెర్త్‌లో టీమ్ ఇండియాతో జరిగే మూడు రోజుల ఇంట్రా-స్క్వాడ్ మ్యాచ్ ఆడ‌తార‌ని బీసీసీఐ కార్యదర్శి జైషా తెలిపారు.