నేడు పిఠాపురంలో పవన్ కల్యాణ్ పర్యాటన

ఈ రోజు ఉదయం 8 గంటలకు మంగళగిరిలోని క్యాంపు కార్యాలయం నుంచి బయలుదేరి 8.40 గంటలకు గన్నవరం ఎయిర్‌పోర్టుకు చేరుకుంటారు. అక్కడ నుంచి 9.30 గంటలకు రాజమహేంద్రవరం విమానాశ్రయం చేరుకుని అక్కడ నుంచి 11.00 గంటలకు గొల్లప్రోలు జిల్లాపరిషత్‌ బాలుర ఉన్నత పాఠశాలకు చేరుకుంటారు. అక్కడ పిఠాపురం నియోజకవర్గంలోని పాఠశాలలలకు మంజూరైన సైన్స్‌ ల్యాబ్‌లను, గొల్లప్రోలు పట్టణంలోని మండలపరిషత్‌ ప్రాథమిక పాఠశాల-2 నూతన భవనాలను ప్రారంభిస్తారు. గొల్లప్రోలు జగనన్న కాలనీకి మంజూరైన బ్రిడ్జి నిర్మాణంతో పాటు సూరంపేటకు మంజూరైన బ్రిడ్జి నిర్మాణానికి, గొల్లప్రోలు బాలుర ఉన్నత పాఠశాల భవనాల మరమ్మతుల పనులకు, అసంపూర్తిగా ఉన్న గొల్లప్రోలు అర్బన్‌హెల్త్‌ సెంటర్‌, తహశీల్దారు కార్యాలయ పూర్తికి చేపట్టే పనులకు, గొల్లప్రోలులోని మొగలి సూర్యుడు మంచినీరు చెరువు ఆధునీకరణ పనులకు ఆయన శంకుస్థాపన చేయనున్నారు. అక్కడే విభిన్న ప్రతిభావంతులకు ఉపకరణాలు పంపిణీ చేయనున్నారు. అక్కడ నుంచి 11.30గంటలకు బయలుదేరి 11.45 గంటలకు పిఠాపురంలోని టీటీడీ కల్యాణమండపం చేరుకుంటారు.