వైజాగ్‌లో ఆకాశాన్ని తాకేలా పుష్ప రాజ్ కటౌట్...అల్లు అర్జున్ ఫ్యాన్స్ అంటే అట్లుంటది..

ఐకాన్ స్టార్ అల్లు అర్జున్, రష్మిక మందన్న జంటగా నటించిన చిత్రం ‘పుష్ప 2’. మూడేళ్ల క్రితం రిలీజై బాక్సాఫీస్ రికార్డులు బద్దలు కొట్టిన పుష్ప సినిమాకు ఇది సీక్వెల్ గా తెరకెక్కింది. ఇప్పటికే అన్ని హంగులు పూర్తి చేసుకున్న ఈ క్రేజీ సీక్వెల్ డిసెంబర్ 10 న విడుదల కానుంది. ఈ క్రమంలో తెలుగు రాష్ట్రాల్లో ఇప్పటికే పుష్ప 2 మేనియా ప్రారంభమైంది. పుష్పరాజ్ కు స్వాగతం పలికేందుకు అల్లు అర్జున్ అభిమానులు అన్ని రకాల ఏర్పాట్లు చేస్తున్నారు. ఈ క్రమంలో వైజాగ్‌ అల్లు అర్జున్‌ ఫ్యాన్స్‌ సంగం శరత్‌ థియేటర్‌ వద్ద ఏకంగా 108 అడుగుల ఎత్తైన భారీ కటౌట్‌ ను ఏర్పాటు చేశారు.ఇటీవలే అశేష అభిమానుల సమక్షంలో ఈ కటౌట్ ను ఆవిష్కరించారు. విశాఖలోనే కాదు ఏపీలో ఇప్పటివరకు ఏ హీరోకు ఇలాంటి భారీ కటౌట్ ఏర్పాటు చేయలేదంటున్నారు బన్నీ ఫ్యాన్స్.