చిరంజీవికి సారీ చెప్పిన ఆర్జీవీ.. కొన్నేళ్ల క్రితం గొడవ మళ్లీ తెరపైకి!

మెగా ఫ్యామిలీపై విమర్శలు చేయడంలో ముందుండే రాంగోపాల్‌వర్మ.. ఎట్టకేలకి తొలిసారి మెగాస్టార్ చిరంజీవి గురించి సాప్ట్‌గా మాట్లాడుతూ క్షమాపణలు కూడా చెప్పాడు. దాంతో కొన్నేళ్ల క్రితం జరిగిన గొడవకి పూర్తిగా పుల్‌స్టాప్ పెట్టినట్లు అయ్యింది.  నాగార్జున-రాంగోపాల్‌ వర్మ కాంబినేషన్‌లో 36 ఏళ్ల క్రితం వచ్చిన శివ సినిమా నవంబర్‌ 14న రీ-రిలీజ్‌కాబోతోంది. ఈ నేపథ్యంలో చిరంజీవి ఆల్‌ ద బెస్ట్ చెబుతూ ఒక వీడియో రిలీజ్ చేశారు. శివ సినిమా చూసి నేను పూర్తిగా ఆశ్చర్యపోయాను. రామ్‌గోపాల్‌ వర్మ.. విజన్‌, కెమెరా యాంగిల్స్‌, లైట్స్‌, సౌండ్‌ ప్రజెంటేషన్‌.. అన్నీ కొత్తగా వావ్‌ అనిపించాయి. ఈ యువ దర్శకుడు తెలుగు సినిమా భవిష్యత్తు అని అప్పుడే అనుకున్నాను. హ్యాట్సాఫ్‌ రామ్‌గోపాల్‌ వర్మ అని చిరంజీవి సోషల్ మీడియాలో రాసుకొచ్చారు.