స్మృతి మంధాన అరుదైన రికార్డు

టీమిండియా స్టార్ బ్యాట‌ర్ స్మృతి మంధాన అరుదైన రికార్డు న‌మోదు చేసింది. న్యూజిలాండ్‌ తో జరిగిన వ‌న్డేలో సెంచ‌రీ బాదిన స్మృతి రికార్డుకెక్కింది. ఇది ఆమెకు 8వ వన్డే శ‌త‌కం. దీంతో భార‌త్ త‌ర‌ఫున అత్య‌ధిక సెంచ‌రీలు కొట్టిన మ‌హిళా క్రికెట‌ర్‌గా చ‌రిత్ర సృష్టించింది. ఈ క్ర‌మంలో మిథాలీ రాజ్ ను వెనక్కి నెట్టింది. వీరిద్ద‌రి త‌ర్వాత మూడో స్థానంలో హ‌ర్మ‌న్ ప్రీత్ కౌర్  ఉన్నారు. ఓవ‌రాల్‌గా చూస్తే వ‌న్డేల్లో ఆసీస్ ప్లేయ‌ర్ మెగ్ లానింగ్ 15 సెంచ‌రీల‌తో అగ్ర‌స్థానంలో కొన‌సాగుతున్నారు.  కాగా, మూడు వ‌న్డేల సిరీస్‌ను ఆతిథ్య‌ భార‌త్ 2-1తో కైవసం చేసుకుంది. నిర్ణయాత్మక మూడో వ‌న్డేలో టీమిండియా 6 వికెట్ల తేడాతో కివీస్‌ను చిత్తు చేసింది. ఈ మ్యాచ్‌లో న్యూజిలాండ్ టాస్ గెలిచి మొదట బ్యాటింగ్ ఎంచుకుంది. భారత్ క్రమం తప్పకుండా వికెట్లు తీస్తూ న్యూజిలాండ్‌ను 232 పరుగులకు ఆలౌట్ చేసింది.