భార్య, అత్తమామలతో రిషి సునక్ బెంగళూరులో సందడి

బ్రిటన్ మాజీ ప్రధాని రిషి సునక్ దంపతులు బెంగళూరులోని జయనగర్‌లోని నంజనగూడు రాఘవేంద్ర స్వామి వారి మఠాన్ని సందర్శించి రాయల దర్శనం చేసుకున్నారు. సునక్ అత్తమామలు ఎన్ ఆర్ నారాయణ మూర్తి, సుధా మూర్తిలు ఈ జంటతో పాటు కనిపించారు. అందరూ మఠంలో ప్రార్థనలు చేశారు. ఆలయంలో జరిగిన పూజల్లో కూడా పాల్గొన్నారు.మఠానికి చేరుకున్న రుషి సునక్ దంపతులు అరగంట సేపు మఠంలో గడిపారు. తీర్థ ప్రసాదాలు తీసుకుని రాయల వారి ఆశీస్సులు పొందారు. కార్తీక మాసం సందర్భంగా రాయల సన్నిధిలో దీపాలు వెలిగించారు. భారత సంతతికి చెందిన రిషి సునక్ భారతీయ సంప్రదాయాలపై తనకున్న నమ్మకం గురించి ఎప్పుడూ చెబుతూ ఉంటారు. తరచుగా హిందూ మతంపై తనకున్న విశ్వాసాన్ని గురించి వెల్లడిస్తూనే ఉన్నారు. తాను హిందువునని అందరిలాగే తాను కూడా తన విశ్వాసాలతో స్ఫూర్తిని పొందుతానని చెప్పారు.