నేడు ఇంగ్లాండ్‌తో మూడో టీ20లో భారత్ ఢీ.. బోణి కొట్టేనా?

టీ20 ప్రపంచ చాంపియన్‌గా నిలిచిన తర్వాత భారత జట్టు మళ్లీ గెలుపు రుచి చూడలేకపోతోంది. ఐర్లాండ్‌ చేతిలో రెండు మ్యాచ్‌లలో ఓడి సిరీస్‌ కోల్పోయిన టీమిండియా, ఆ తర్వాత ఇంగ్లండ్‌తో తొలి టీ20 రద్దు.. రెండో టీ20లోనూ పరాజయం పాలైంది. ఈ నేపథ్యంలో, నేడు ఇంగ్లండ్‌తో జరిగే మూడో టీ20 మ్యాచ్‌లోనైనా పైచేయి సాధించి, ఈ టూర్‌లో తొలి విజయాన్ని అందుకోవాలని భారత్ పట్టుదలగా ఉంది. ఈ మ్యాచ్‌లో భారత బ్యాటింగ్‌కు సంబంధించి మరోసారి ఓపెనర్ అభిషేక్‌ శర్మ ఇచ్చే ఆరంభం జట్టుకు చాలా ముఖ్యం. అలాగే, యువ సంచలనం వైభవ్‌ సూర్యవంశీ అరంగేట్రంపై చర్చ ముగిసినందున, ఈ మ్యాచ్‌లో ఆయన నుంచి అంచనాలకు తగినట్లుగా ఒక చక్కటి ఇన్నింగ్స్‌ను మేనేజ్‌మెంట్ ఆశిస్తోంది. వికెట్ కీపర్ ఇషాన్‌ కిషన్‌ తన ఫామ్ వైఫల్యాల నుంచి బయటకు రావాల్సి ఉండగా, మిడిలార్డర్‌లో కెప్టెన్ అయ్యర్, తిలక్‌ వర్మ, శివమ్‌ దూబేలు బాధ్యతాయుతంగా ఆడాల్సి ఉంది. గత మ్యాచ్‌లో భారీగా పరుగులు సమర్పించి జట్టు ఓటమికి కారణమైన లెగ్‌స్పిన్నర్‌ రవి బిష్ణోయ్‌ స్థానంలో పేసర్ ప్రిన్స్‌ యాదవ్‌కు తుది జట్టులో అవకాశం దక్కనుంది. పేసర్ అర్ష్‌దీప్ సింగ్ విఫలమవుతున్నా జట్టులో ప్రత్యామ్నాయాలు లేకపోవడంతో స్పిన్నర్లు వరుణ్ చక్రవర్తి, అక్షర్ పటేల్‌లపైనే భారం పడనుంది. కాగా, ఇంగ్లండ్ జట్టు ఎలాంటి మార్పులు లేకుండా మునుపటి జట్టుతోనే బరిలోకి దిగుతున్నట్లు ప్రకటించింది. రాత్రి 10 గంటలకు మ్యాచ్ ప్రారంభంకానుంది.