హైదరాబాద్‌లో దుమారం రేపిన పవన్ కామెంట్స్.. రంగంలోకి సీపీ సీవీ ఆనంద్

ఏపీ డిప్యూటీ సీఎం పవన్ కళ్యాణ్‌పై హైదరాబాద్‌‌కు చెందిన ఓ ఎంఐఎం నేత పోలీసులకు ఫిర్యాదు చేశారు. హైదరాబాద్, ఓల్డ్ సిటీ వాసులు భారతీయ సంస్కృతిని విమర్శిస్తారంటూ.. అవమానించినందుకు పవన్‌ కళ్యాణ్‌పై కేసు నమోదు చేయాలంటూ ఎంఐఎం నాయకుడు ట్విట్టర్ వేదిగా కంప్లైంట్ చేశారు.హైదరాబాద్ సీపీ సీవీ ఆనంద్‌ను ట్యాగ్ చేస్తూ.. ఎంఐఎం నేత ముబాషీర్ కంప్లైంట్ చేశారు. ముబాషీర్ చేసిన ఈ కంప్లైంట్‌పై హైదరాబాద్ సీపీ సీవీ ఆనంద్ స్పందించారు. ఈ విషయంపై ఎలాంటి చర్యలు తీసుకోవాలని లీగల్ ఒపీనియన్ తీసుకుంటున్నామని సీవీ ఆనంద్ రిఫ్లై ఇచ్చారు. ప్రస్తుతం మహారాష్ట్రంలో ఎన్నికలు జరుగుతున్న నేపథ్యంలో.. ఎన్డీయే కూటమి తరఫున ఏపీ డిప్యూటీ సీఎం పవన్ కళ్యాణ్ ప్రచారంలో పాల్గొన్నారు.రాజకీయ పరిస్థితులపై పవన్ మాట్లాడుతూ.. పోలీసులు 15 నిమిషాలు కళ్లు మూసుకుంటే హిందువులకు తామేంటో చూపిస్తామని హైదరాబాద్‌లో కొందరు నేతలు అంటున్నారని ఎంఐఎం నేతలను ఉద్దేశించి పవన్ కళ్యాణ్ చెప్పుకొచ్చారు.