కడప గడ్డపై కాలు మోపనున్న గ్లోబల్ స్టార్..

గేమ్‌ ఛేంజర్‌ మూవీ ప్రమోషన్స్‌ వేళ.. గ్లోబల్‌ స్టార్‌ రామ్‌చరణ్‌ కడప టూర్‌ ఫ్యాన్స్‌లో ఆసక్తి రేపుతోంది. కడప పెద్ద దర్గాను దర్శించుకోబోతున్న చెర్రీ.. ఆ తర్వాత ఉరుసు ఉత్సవాలకు హాజరవుతారు. అమీన్‌పీర్‌ దర్గా 80వ నేషనల్‌ ముసాయిరా గజల్‌ ఈవెంట్‌లో ముఖ్యఅతిథిగా పాల్గొనబోతున్నారు రామ్‌చరణ్‌. ఇందుకోసం, హైదరాబాద్‌ నుంచి ప్రత్యేక విమానంలో కడపకు బయల్దేరి వెళ్లనున్నారు. సాయంత్రం ఐదున్నర గంటలకు బేగంపేట్‌ ఎయిర్‌పోర్ట్‌ నుంచి బయల్దేరి.. ఈవ్‌నింగ్‌ ఆరున్నరకు కడపలో చరణ్‌ ల్యాండ్‌ అవుతారు. కడప ఎయిర్‌పోర్ట్‌ నుంచి ఈవెంట్‌ ప్లేస్‌ వరకు భారీ ర్యాలీగా వెళ్తారు. కడప పెద్ద దర్గా ఉరుసు ఉత్సవాలు.. ఈనెల 20వరకు సాగనున్నాయ్‌. మొదటి రోజు గంధం కార్యక్రమం నిర్వహించగా.. తర్వాత రోజు ఉరుసు ఉత్సవం జరిగింది. ఇక, ఇవాళ జరిగే ముషాయిరా గజల్‌ ఈవెంట్‌కి ముఖ్యఅతిథిగా రామ్‌చరణ్‌ రాబోతున్నారు. చివరిగా, ఈనెల 20వ తేదీ రాత్రి పది గంటలకు నిర్వహించే ఊరేగింపుతో కడప పెద్ద దర్గా ఉరుసు ఉత్సవాలు ముగుస్తాయ్‌.