ప్రభాస్ మూవీ నుంచి తప్పుకున్న ప్రకాశ్ రాజ్.. ఆ గొడవే కారణమా?

పాన్ ఇండియా స్టార్ ప్రభాస్, క్రేజీ డైరెక్టర్ సందీప్ రెడ్డి వంగా కాంబినేషన్‌లో వస్తున్న 'స్పిరిట్' సినిమా గురించి సోషల్ మీడియాలో ఒక ఆసక్తికరమైన వార్త తెగ వైరల్ అవుతోంది. ఈ సినిమా నుంచి సీనియర్ నటుడు ప్రకాష్ రాజ్ తప్పుకున్నట్లు వార్తలు వినిపిస్తున్నాయి. ఇప్పటికే ఈ చిత్రం నుంచి విడుదలైన ఆడియో గ్లింప్స్‌లో ఆయన వాయిస్ ప్రత్యేక ఆకర్షణగా నిలవడంతో, ఇప్పుడు ఆయన సడెన్ ఎగ్జిట్ ఇవ్వడం సినీ వర్గాల్లో హాట్ టాపిక్‌గా మారింది. దర్శకుడు సందీప్ రెడ్డి వంగా మేకింగ్ స్టైల్ చాలా విభిన్నంగా, బోల్డ్ గా ఉంటుంది. ఈ క్రమంలోనే షూటింగ్ సమయంలో దర్శకుడితో తలెత్తిన కొన్ని అభిప్రాయ భేదాలు) కారణంగానే ప్రకాష్ రాజ్ ఈ ప్రాజెక్ట్ నుంచి వాకౌట్ చేశారని ఇండస్ట్రీలో గుసగుసలు వినిపిస్తున్నాయి. గతంలోనూ ప్రకాష్ రాజ్ ఇలాంటి కారణాలతో కొన్ని సినిమాల నుంచి తప్పుకున్న సందర్భాలు ఉండటంతో, తాజా వార్తలకు మరింత బలం చేకూరుతోంది. అయితే దీనిపై చిత్ర యూనిట్ నుంచి ఇంకా అధికారిక ప్రకటన రావాల్సి ఉంది. మరోవైపు, ఈ చిత్రం వచ్చే ఏడాది మార్చి 5, 2027న ప్రపంచవ్యాప్తంగా విడుదల కానుంది. ప్రస్తుతం ప్రభాస్ ఈ సినిమాతో పాటు 'కల్కి 2' షూటింగ్‌లో కూడా బిజీగా ఉన్నారు. స్పిరిట్ లో ప్రభాస్ పవర్‌ఫుల్ పోలీస్ ఆఫీసర్‌గా కనిపిస్తుండగా, తృప్తి దిమ్రి హీరోయిన్‌గా నటిస్తోంది. ఒకవేళ ప్రకాష్ రాజ్ తప్పుకోవడం నిజమే అయితే, ఆయన పోషించాల్సిన 'జైలర్' పాత్రలోకి ఏ సీనియర్ నటుడు వస్తాడో అని అభిమానులు ఆసక్తిగా ఎదురుచూస్తున్నారు.