కార్తీక్, శ్రీలీల డేటింగ్ లో ఉన్నారంటూ ప్రచారం...

బాలీవుడ్ హీరో కార్తీక్ ఆర్యన్ కుటుంబంలో ఇటీవల జరిగిన ఓ పార్టీకి నటి శ్రీలీల హాజరుకావడంతో వారిద్దరూ డేటింగ్ లో ఉన్నారంటూ ప్రచారం జరుగుతోంది. పలు ఫంక్షన్లకు కార్తీక్ ఆర్యన్, శ్రీలీల కలిసి హాజరకావడం ఈ ప్రచారానికి ఊతమిస్తోంది. అయితే, ఇటీవల జరిగిన ఐఫా వేడుకల్లో కార్తీక్ ఆర్యన్ తల్లి మాలా తివారి పాల్గొన్నారు. ఈ సందర్భంగా బాలీవుడ్ నిర్మాత కరణ్ జోహార్ ఆమెను సరదాగా ఇంటర్వ్యూ చేశారు. ఎలాంటి కోడలు రావాలని మీరు కోరుకుంటున్నారు’ అని ప్రశ్నించగా...దీనికి మాలా తివారీ స్పందిస్తూ.. ఓ మంచి డాక్టర్ మా ఇంటికి కోడలుగా రావాలని తమ కుటుంబం భావిస్తోందని చెప్పారు. ఈ వ్యాఖ్యలు శ్రీలీలను ఉద్దేశించే చేశారని సినీవర్గాలు అభిప్రాయపడుతున్నాయి.  కార్తీక్ ఆర్యన్ తల్లి చేసిన వ్యాఖ్యలు వారిద్దరి బంధానికి తమ ఆశీస్సులు ఉన్నాయని చెప్పకనే చెప్పినట్లైంది. శ్రీలీల.. అనురాగ్‌ బసు దర్శకత్వంలో బాలీవుడ్‌లోకి ఎంట్రీ ఇస్తోంది. ఈ సినిమాలో కార్తీక్ ఆర్యన్ హీరోగా నటిస్తున్నారు. షూటింగ్ సమయంలో కార్తిక్‌, శ్రీలీల మధ్య పరిచయం పెరిగిందని, ఇద్దరూ డేటింగ్ లో ఉన్నారని ప్రచారం జరుగుతోంది.