హీరో కిరణ్ అబ్బవరంకి క్షమాపణలు చెప్పిన అల్లు అర్జున్ రీజన్ ఏంటంటే?

గత రెండు రోజుల నుంచి సోషల్ మీడియా మొత్తం అల్లు అర్జున్ పుష్ప 2 హంగామానే కనిపిస్తోంది. పుష్ప ట్రైలర్ అన్ని భాషల్లో కలిపి గంటలు గడవకముందే వంద మిలియన్ల వ్యూస్‌ను క్రాస్ చేసింది. ఒక్క తెలుగులోనే ఈ ట్రైలర్ 50 మిలియన్లను దాటేట్టు కనిపిస్తోంది.ఈ ట్రైలర్‌పై యంగ్ హీరో కిరణ్ అబ్బవరం ట్వీట్ వేశాడు. వైల్డ్ ఫైర్.. డిసెంబర్ 5 కోసం వెయిటింగ్ అని ట్వీట్ వేశాడు. ఈ ట్వీట్‌కు బన్నీ రిప్లై ఇచ్చాడు. థాంక్యూ బ్రదర్.. బిజీగా ఉండటం వల్ల మీ సినిమా ‘క’ చూడలేకపోయా.. క్షమించండి.. నేను మీ క మూవీని చూసి మీకు కాల్ చేస్తా అని బన్నీ అన్నాడు. దీనికి మళ్లీ కిరణ్ అబ్బవరం స్పందిస్తూ థాంక్యూ అన్నా అని రిప్లై ఇచ్చాడు.కిరణ్ అబ్బవరం దీపావళికి క మూవీతో బ్లాక్ బస్టర్ హిట్ కొట్టిన సంగతి తెలిసిందే. క మూవీకి మెల్లిమెల్లిగా షోలు, స్క్రీన్లు పెరిగాయి. చివరకు ఈ చిత్రం ఎవ్వరూ ఊహించనట్టుగా యాబై కోట్ల క్లబ్‌లో చేరిపోయింది. దాంతో కిరణ్ అబ్బవరం ఇండస్ట్రీలో సాలిడ్ సౌండ్ చేశాడు. ఆ సౌండ్ బన్నీ వరకు వెళ్లింది. ఇప్పటికే మెగాస్టార్ చిరంజీవి కూడా ప్రత్యేకంగా క సినిమాని అభినందించిన సంగతి తెలిసిందే.