జబర్దస్త్ మీద పడి ఏడిస్తే నా గడ్డం, జుట్టులో రెండు వెంట్రుకలు ఊడాయనుకుంటా హైపర్ ఆది...

రాకింగ్ రాకేష్ హీరోగా, నిర్మాతగా తెరకెక్కించిన కేసీఆర్ సినిమా ప్రీ రిలీజ్ ఈవెంట్ కు చాలా మంది జబర్దస్త్ ఆర్టిస్టులు గెస్ట్ లుగా వచ్చారు. హైపర్ ఆది కూడా ఈ ఈవెంట్ కు రాగా సినిమా గురించి మాట్లాడి అనంతరం జబర్దస్త్ గురించి మాట్లాడారు. . ఈ స్టేజి మీద ఉన్నవాళ్ళంతా జబర్దస్త్ నుంచి వచ్చిన వాళ్ళే. కొన్ని వందల మంది ఆర్టిస్టులు జబర్దస్త్ ని నమ్ముకొని ఇల్లు కట్టుకొని పెళ్ళిళ్ళు చేసుకొని హ్యాపీగా ఉన్నారు. ఇదే జబర్దస్త్ కొన్ని వందల మంది టెక్నిషియన్స్ ఫ్యామిలీలకు మూడు పూటల భోజనం పెడుతుంది. ఇలాంటి జబర్దస్త్ ని కొంతమంది కూర్చొని డబల్ మీనింగ్ డైలాగ్స్ వేస్తారు అని తిడతారు. ఈ జబర్దస్త్ మీద పడి ఏడ్చేవాళ్లకు ఒకటే చెప్తున్నా ఇంత చెప్పాక కూడా మళ్ళీ జబర్దస్త్ మీద ఏడిస్తే నా గడ్డం, జుట్టులో రెండు వెంట్రుకలు ఊడాయనుకుంటాను. ఇక్కడ ఉన్న అందరూ ఎవరూ ఈజీగా పైకి వచ్చినవాళ్లు కాదు. వాచ్ మెన్ తోసేస్తే కిందపడి, భోజనం చేస్తుంటే ప్లేట్ లాక్కున్న దగ్గర్నుంచి, వర్క్ చేస్తే డబ్బులు ఇవ్వకపోయినా అన్ని భరించి ఎదిగిన వాళ్ళు. కాబట్టి మీరు నెగిటివ్ కామెంట్ చేసేముందు ఆలోచించండని ఫైర్ అయ్యారు.