డిప్యూటీ స్పీకర్ గా రఘురామ కృష్ణంరాజు

ఏపీ అసెంబ్లీ బడ్జెట్ సమావేశాల్లో భాగంగా గురువారం ఐదు బిల్లులను సభలో రాష్ట్ర ప్రభుత్వం ప్రవేశపెట్టనుంది. శాసనసభ ప్రారంభం కాగానే ప్రశ్నోత్తరాల సమయం కొనసాగుతుంది. అనంతరం రాష్ట్ర ప్రభుత్వం ఐదు బిల్లులు ప్రవేశపెట్టనుంది. మధ్యాహ్నం 12గంటలకు డిప్యూటీ స్పీకర్ ఎన్నిక ఉంటుంది. డిప్యూటీ స్పీకర్ గా రఘురామ కృష్ణంరాజు ఒక్కరే నామినేషన్ దాఖలు చేశారు. ఎన్డీయే కూటమి తరపున వేసిన నామినేషన్ ను కూటమిలోని మూడు పార్టీలు నేతల ఆమోదించారు. దీంతో రఘురామ కృష్ణంరాజు డిప్యూటీ స్పీకర్ గా ఏకగ్రీవంగా ఎన్నికయినట్లు స్పీకర్ అయ్యన్న పాత్రుడు ప్రకటించనున్నారు. అనంతరం ఆయన డిప్యూటీ స్పీకర్ గా ప్రమాణ స్వీకారం చేయనున్నారు. అదేవిధంగా ఇవాళ్టి అసెంబ్లీ సమావేశంలో 2024-25 బడ్జెట్ పై చర్చ జరగనుంది. ఏపీ ఎంఎస్ఎంఈ పాలసీ 4.0పై మంత్రి కొండపల్లి శ్రీనివాస్ ప్రకటన చేయనున్నారు. ఇండస్ట్రీయల్ డెవలప్మెంట్ పాలసీ 4.0, ఫుడ్ ప్రాసెసింగ్ పాలసీ, ప్రైవేట్ ఇండస్ట్రియల్ పార్క్స్ పాలసీల పై మంత్రి టీజీ భరత్ ప్రకటన చేయనున్నారు.