మహారాష్ట్రలో ఎన్నికల ప్రచారానికి పవన్ కళ్యాణ్

ఏపీ ఎన్నికల్లో సంచలన విజయాన్ని నమోదు చేసిన పవన్ కళ్యాణ్.. మహారాష్ట్రలో ఎన్నికల ప్రచారంలో పాల్గొననున్నారు. ఈ నెల 16, 17 తేదీల్లో మహారాష్ట్రలో జనసేన చీఫ్‌ పవన్‌ కల్యాణ్‌ పర్యటిస్తారని జనసేన ప్రకటించింది.ఎన్డీయే కూటమి తరఫున ఆయన ప్రచారంలో పాల్గొననున్నారు. మహారాష్ట్రలోని వివిధ జిల్లాల్లో రోడ్‌ షోలతో పాటు.. బహిరంగ సభలు, ర్యాలీల్లో ఏపీ డిప్యూటీ సీఎం పవన్‌ పాల్గొననున్నారు.పవన్‌తో పాటు మహారాష్ట్రకు జనసేన పీఏసీ చైర్మన్‌ నాదెండ్ల మనోహర్‌ కూడా వెళ్లనున్నారు. మహారాష్ట్ర అసెంబ్లీ ఎన్నికలు ఈ నెల 20న జరగనున్న విషయం తెలిసిందే. ఈ ఎన్నికల ఫలితాలను ఈ నెల 23న ప్రకటిస్తారు.