బాలకృష్ణ - అల్లు అర్జున్‌ల ఆహా అన్‌స్టాపబుల్ ప్రోమో విడుదల

నందమూరి బాలకృష్ణ వ్యాఖ్యాతగా ఆహా ఓటీటీ ఫ్లాట్‌ ఫామ్‌ వేదికగా రూపొందుతోన్న 'అన్‌స్టాపబుల్‌' గురించి అందరికి తెలిసిందే. ఇప్పటి వరకు మూడు సీజన్‌లు పూర్తి చేసుకున్న ఈ 'ఆహా- కార్యక్రమం ప్రస్తుతం నాలుగో సీజన్‌ను ఇటీవలే ప్రారంభించింది. గత నెలలో ఏపీ సీఎం చంద్రబాబు నాయుడుతో బాలకృష్ణ చేసిన ఎపిసోడ్‌ అందరిని అలరించింది. ఈ సీజన్‌లో భాగంగా ఇటీవల అల్లు అర్జున్‌తో ఓ ఎపిసోడ్‌ను షూట్‌ చేశారు. రెండు భాగాలుగా ప్రసారం కానున్న ఈ కార్యక్రమానికి సంబంధించిన మొదటి భాగం ఈ నెల 15న 'ఆహా'లో స్ట్రీమింగ్‌ కానుంది. అయితే దీనికి సంబంధించిన ప్రోమోను ఆదివారం విడుదల చేశారు. ఈ ప్రోమో చివర్లో మీరు పుష్ప-3 చేయండి, నేను అఖండ-2 చేస్తాను అని అల్లు అర్జున్‌ చెప్పడంతో ఈ ప్రోమో ముగిసింది. టోటల్‌గా ఈ ప్రోమో అందరిలో ఆసక్తిని పెంచింది.