ఎడారి కష్టాల నుంచి విముక్తి కల్పించిన యువనేత నారా లోకేష్

రాజకీయాల్లో అడుగుపెట్టినప్పటి నుంచి అధికారంతో సంబంధం లేకుండా నిత్యం ప్రజల్లో ఉంటూ నేటి యువతకు రోల్ మోడల్‌గా నిలుస్తున్నారు మంత్రి నారా లోకేశ్. సమస్య ఏదైనా తన వద్దకు వచ్చిన వెంటనే స్పందించడం, పరిష్కారం అయ్యే వరకూ వెంటపడటం ఆయన నిబద్ధతకు అద్దం పడుతోంది. చాలీచాలని ఆదాయంతో బతుకు భారంగా మారిన కొందరు సగటు జీవులు కష్టాల కడలి నుంచి గట్టేందుకు ఎడారి దేశాలకు వెళ్లి ఏజంట్ల చేతిలో మోసపోగా, నేనున్నానంటూ వారికి ఆపన్నహస్తం హస్తం అందిస్తున్నారు లోకేశ్. ఏజంట్ల మోసానికి గురై గల్ఫ్‌లో చిక్కుకున్న దాదాపు 20మందిని స్వస్థలాలకు రప్పించి  వారి కుటుంబాల్లో వెలుగులు నింపారు.  తాము ఇబ్బందుల్లో ఉన్నామని వాట్సాప్, ట్విట్టర్, ఫేస్ బుక్ వంటి సోషల్ మీడియా వేదికల ద్వారా మెసేజ్ అందిన వెంటనే లోకేశ్ మెరుపువేగంతో స్పందించారు.