శ్రీవారి బంగారు వాకిలి వద్ద ఆగమోక్తంగా ఆస్థాన వేడుక

తిరుమల శ్రీవారి ఆలయంలో  దీపావళి పర్వదినం సందర్భంగా శాస్త్రోక్తంగా ఆస్థానం నిర్వహించారు. ఆలయ అర్చకులు, తిరుమల జీయర్లు, టీటీడీ ఉన్నతాధికారుల సమక్షంలో బంగారువాకిలి వద్ద ఆగమోక్తంగా ఆస్థాన వేడుకను నిర్వహించారు. సాయంత్రం అమ్మవార్లు సహస్ర దీపాలంకరణ సేవలో పాల్గొని ఆలయ నాలుగు మాడ వీధులలో ఊరేగి భక్తులను కటాక్షించారు. ఈ ఆస్థానంలో శ్రీశ్రీశ్రీ పెద్దజీయర్ స్వామి, శ్రీశ్రీశ్రీ చిన్నజీయర్ స్వామి, ఆలయ ప్రధాన అర్చకులు గోవిందరాజ దీక్షితులు, ఆగమ సలహాదారు రామకృష్ణ  దీక్షితులు, ముఖ్య అర్చకుడు కిరణ్ స్వామి, అడిషనల్ ఈవో సీహెచ్ వెంకయ్య చౌదరి, సీవీఎస్‌ఓ శ్రీధర్, డిప్యూటీ ఈవో లోకనాథం, పేష్కార్ రామకృష్ణ, పారు పత్తేదార్ బాల సుబ్రమణ్యం తదితరులు పాల్గొన్నారు.