ఏపీ ప్రభుత్వ ప్రధాన కార్యదర్శి నీరబ్‌ కుమార్‌ ప్రసాద్‌ సర్వీసు 6నెలల పాటు పొడిగిస్తూ కేంద్ర ప్రభుత్వం ఉత్తర్వులు జారీ చేసింది. నీరబ్‌ ఈ నెల మొదటి వారం నుంచి ఏపీ సీఎస్‌ గా బాధ్యతలు స్వీకరించిన విషయం తెలిసిందే. ఆయన పదవీకాలం నెలాఖరులో ముగియనుంది. నీరబ్‌ కుమార్‌ సేవలు కొనసాగాలని, పదవీ కాలాన్ని పొడిగించాలని ఈ నెల 16న ఆంధ్రప్రదేశ్‌ ప్రభుత్వం కేంద్రానికి ప్రతిపాదన పంపింది. దీనికి కేంద్ర ప్రభుత్వం ఆమోదం తెలుపుతూ ఆయన సర్వీసును ఈ ఏడాది డిసెంబర్‌ 31 వరకు పొడిగిస్తూ భారత ప్రభుత్వ అండర్‌ సెక్రటరీ భూపీందర్‌ పాల్‌ సింగ్‌ గురువారం ఉత్తర్వులు జారీ చేశారు.
![{[setting('site_name')]}](https://leaderworldnews.com/uploads/setting/1698755902915697269.webp)
