భార్యతో విడిపోయిన భారత క్రికెటర్ హార్దిక్.. ఎమోషనల్ నోట్!

భారత సీనియర్ క్రికెటర్ హార్దిక్ పాండ్య తన భార్య నటాషా స్టాంకోవిచ్‌తో అధికారికంగా విడాకులు తీసుకున్నట్లు ప్రకటించాడు. పరస్పర అంగీకారంతో నాలుగేళ్ల తమ వివాహ బంధానికి ముగింపు పలుకుతున్నామని సోషల్ మీడియా వేదికగా వెల్లడించాడు.  వీరికి మూడేళ్ల కుమారుడు అగస్త్య ఉండగా.. ఆ అబ్బాయిని తీసుకొని ముంబయి నుంచి నటాషా వెళ్లిన గంటల వ్యవధిలో హార్దిక్ తమ విడాకులు విషయాన్ని అభిమానులకి తెలియజేశాడు. హార్దిక్-నటాషా ప్రేమ, పెళ్లి ఎంత హడావుడిగా జరిగిపోయాయో.. అందే స్పీడ్‌తో విడాకులు కూడా తీసుకున్నారు. 2018లో హార్దిక్ పాండ్య తన పుట్టినరోజు సందర్భంగా ఇచ్చిన పార్టీలో తొలిసారి ఇద్దరూ కలుసుకున్నారు. ఆ తర్వాత కొన్నాళ్లుబెస్ట్ ఫ్రెండ్స్ అని చెప్పుకుంటూ.. 2020 జనవరి 1న నటాషా ప్రేమను గెలుచుకున్నట్లు హార్దిక్ సోషల్ మీడియాలో ప్రకటించాడు. ఆ తర్వాత లాక్‌డౌన్‌లో పెళ్లి గురించి ప్రస్తావించకుండానే 2020 జులైలో ఆగస్త్యకు జన్మనిచ్చారు. బిడ్డ పుట్టిన తర్వాతే వివాహం చేసుకున్నారు.'నాలుగు సంవత్సరాల పాటు కలిసి ఉన్న తర్వాత నటాషా, నేను విడిపోవాలని పరస్పర అంగీకారంతో నిర్ణయించుకున్నాం.