విశాఖలో ఇక నాన్ స్టాప్ సందడి...బీచ్ రోడ్‌లో హెలికాప్టర్

విశాఖకు బీచ్ రోడ్ కు మరింత వన్నె తెచ్చేలా మరో మ్యూజియం సిద్ధమవుతోంది. అదే యూ హెచ్ 3 హెచ్ హెలికాప్టర్ మ్యూజియం. ఈ యూ హెచ్ 3 హెచ్ హెలికాప్టార్..నేవీలో పదిహేడేళ్ల సుదీర్ఘ సేవలు అందించింది. దానిని కూడా మ్యూజియంగా మలచాలని కలెక్టర్‌ ద్వారా విశాఖపట్నం మెట్రోపాలిటన్ రీజియన్ డెవలప్మెంట్ అథారిటీ – వీఎంఆర్‌డీఏ  ను నేవి కోరింది. దానికి వారు సానుకూలంగా స్పందించడంతో అందుకు తగిన ఏర్పాట్లు మొదలయ్యాయి. చీఫ్ ఆఫ్ స్టాఫ్ ఈస్ట్రన్ నేవల్ కమాండ్ ఆధ్వర్యంలో రాష్ట్ర ప్రభుత్వానికి స్మారక ఫాలకాన్ని అందజేశారు. ఆ తర్వాత హెలికాప్టర్ మ్యూజియం నిర్మాణ పనులు వేగం అందుకున్నాయి. ఇందులో భాగంగానే  హెలికాప్టర్ ను విడిభాగాలుగా చేసి.. ఐఎన్ఎస్ డేగా నుంచి ప్రత్యేకంగా తీసుకొచ్చి భారీ క్రేన్ సాయంతో బీచ్ రోడ్ లో ఇన్స్టాల్ చేస్తున్నారు. శరవేగంగా ఈ పనులు సాగిపోతున్నాయి. ఎక్కడో దూరం నుంచి, నేవి డే వేడుకల్లో దర్శనం ఇచ్చే ఈ హెలికాప్టర్ కళ్ళ ముందు కనిపిస్తున్నడంతో సందర్శకులు భారీగా తరలివస్తున్నారు.