టీమ్ ఇండియా గెలవడం పక్కా...

బోర్డర్ గవాస్కర్ టెస్టు సిరీస్‌ లో భాగంగా ఆస్ట్రేలియా వర్సెస్ భారత్ మధ్య పెర్త్ వేదికగా తొలి మ్యాచ్ జరుగుతోంది. ఆప్టస్ స్టేడియం వేదికగా జరుగుతున్న ఈ మ్యాచ్ రెండో ఇన్నింగ్స్‌ లో టీమిండియా అద్భుత బ్యాటింగ్ ప్రదర్శన కనబరిచింది. భారత్-ఆస్ట్రేలియా జట్ల మధ్య జరుగుతున్న బోర్డర్-గవాస్కర్ టెస్టు సిరీస్ తొలి మ్యాచ్ మూడో రోజుకి చేరుకుంది. మూడో రోజు ఆట ఆరంభంలోనే అద్భుత బ్యాటింగ్‌ కనబర్చిన యశస్వి జైస్వాల్ సెంచరీతో మెరిశాడు. ఈ సెంచరీతో భారత జట్టు 304 పరుగులు పూర్తి చేసుకుంది. అలాగే తొలి ఇన్నింగ్స్‌ లో 46 పరుగుల ఆధిక్యంతో టీమ్ ఇండియా మొత్తం స్కోరు 350 దాటింది. భారత జట్టు స్కోరు 350 దాటడంతో ఆస్ట్రేలియా జట్టుకు ఓటమి ముప్పు పొంచి ఉంది. ఎందుకంటే టెస్టు క్రికెట్‌ లో పటిష్టమైన జట్టు అయినప్పటికీ స్వదేశంలో భారీ మొత్తం ఛేజింగ్‌ లో ఆసీస్ జట్టు ఇంకా వెనుకబడి ఉంది. ఇందుకు గణాంకాలే నిదర్శనం…