మరో 48 గంటల్లో మూడో ప్రపంచ యుద్ధం

మూడో ప్రపంచ యుద్ధం ముంచుకొస్తోందా? అంటే అవుననే అంటున్నారు ప్రముఖ భారతీయ జ్యోతిష్య నిపుణులు కుశాల్ కుమార్. రాబోయే 48 గంటల్లో మూడో ప్రపంచ యుద్ధం జరగనుందని ఆయన అంచనా వేశారు. అత్యంత బలమైన గ్రహాల సంఘర్షణ కారణంగా.. జూన్ 18వ తేదీన ఈ వరల్డ్ వార్-3 మొదలవుతుందని, ఇది ప్రపంచవ్యాప్తంగా పెను విధ్వంసాన్నే సృష్టించబోతోందని కుండబద్దలు కొట్టారు. ఉత్తర-దక్షిణ కొరియా, చైనా-తైవాన్, ఉక్రెయిన్-రష్యా, మిడిల్ ఈస్ట్‌లలో ఉద్రిక్తతలు మరింత పెరుగుతాయని.. ఇవన్నీ వరల్డ్ వార్-3 ప్రారంభానికి సంకేతాలని చెప్పారు. రాబోయే 48 గంటలు ఎంతో క్లిష్టమైనవని.. ఆకాశం నుంచి ఉపగ్రహాలు కిందికి దూసుకొస్తాయని.. అడవులు బూడిదగా మారుతాయని.. అన్ని దేశాలు ఒకదానితో మరొకటి పోరాటానికి దిగుతాయని.. ఈ యుద్ధం ప్రపంచాన్ని సర్వనాశనం చేస్తుందని కుశాల్ కుమార్ వివరించారు.