టీ20 ర్యాంకింగ్స్‌లో దుమ్ముదులిపిన తెలుగు క్రికెటర్

టీమిండియా యువ బ్యాటర్, తెలుగు క్రికెటర్ తిలక్ వర్మ అంతర్జాతీయ క్రికెట్ మండలి (ఐసీసీ) టీ20 ర్యాంకింగ్స్‌లో దుమ్ములేపాడు. ఐసీసీ విడుదల చేసిన బ్యాటింగ్ ర్యాంకింగ్స్‌లో ఏకంగా 69 స్థానాలు ఎగబాకి  టాప్‌-10లోకి దూసుకొచ్చాడు. ప్రస్తుతం 806 రేటింగ్ పాయింట్లతో మూడో స్థానంలో ఉన్నాడు. తిలక్ వర్మ తన టీ20 కెరీర్‌లో టాప్‌-10లోకి రావడం ఇదే మొదటిసారి. ఇటీవల దక్షిణాఫ్రికాతో జరిగిన టీ20 సిరీస్‌లో వరుసగా రెండు సెంచరీలు బాదడంతో ఈ హైదరాబాదీ కుర్రాడు టీ20 ర్యాంకింగ్స్‌లో దూసుకొచ్చాడు. దక్షిణాఫ్రికాతో జరిగిన నాలుగు మ్యాచ్‌ల సిరీస్‌లో తిలక్‌ వర్మ 198 స్ట్రైక్‌రేట్‌తో 280 రన్స్ చేశాడు. ఇందులో రెండు సెంచరీలు ఉన్నాయి.సిరీస్‌లో తిలక్ 20 సిక్సర్లు బాదడం విశేషం. మూడో స్థానంలో ఉన్న టీమిండియా టీ20 కెప్టెన్ సూర్యకుమార్‌ యాదవ్‌ను తిలక్ వెనక్కి నెట్టాడు. తెలుగోడి దెబ్బకు సూర్య నాలుగో స్థానానికి పడిపోయాడు.