యునైటెడ్ అర‌బ్ ఎమిరేట్స్ లో జ‌రుగుతున్న మ‌హిళ‌ల టీ20 ప్ర‌పంచ‌క‌ప్‌లో డిఫెండింగ్ చాంపియ‌న్ ఆస్ట్రేలియాకు ఊహించ‌ని షాక్ త‌గిలింది. సెమీ ఫైన‌ల్‌లో ద‌క్షిణాఫ్రికా చేతిలో ఆసీస్ ఓట‌మి పాలైంది. దీంతో స‌ఫారీలు ఫైన‌ల్‌కి దూసుకెళ్లారు. ఆరుసార్లు చాంపియ‌న్ అయిన కంగారూల‌ను ద‌క్షిణాఫ్రికా ఊహించ‌ని రీతిలో దెబ్బ కొట్టింది. దాంతో గ‌త టీ20 వ‌ర‌ల్డ్‌క‌ప్ ఫైన‌ల్‌లో ఓట‌మికి ఇప్పుడు స‌ఫారీలు బ‌దులు తీర్చుకున్న‌ట్టయింది. తొలి సెమీస్‌లో ద‌క్షిణాఫ్రికా ఏకంగా 8 వికెట్ల తేడాతో ఆసీస్‌ను మ‌ట్టిక‌రిపించింది. ఆస్ట్రేలియా నిర్దేశించిన 135 ప‌రుగుల ల‌క్ష్యాన్ని ఇంకా 16 బంతులు మిగిలి ఉండ‌గానే రెండు వికెట్లు మాత్ర‌మే కోల్పోయి ఛేదించింది.
![{[setting('site_name')]}](https://leaderworldnews.com/uploads/setting/1698755902915697269.webp)
