చరణ్ బాటలో బాలయ్య కూడా... ఆ దేశంలో డాకు మహారాజ్ ఈవెంట్...

ఇటీవలే రామ్ చరణ్ గేమ్ ఛేంజర్ సినిమా ప్రీ రిలీజ్ ఈవెంట్ అమెరికాలో చేస్తున్నట్టు ప్రకటించారు. దీంతో అమెరికాలో జరగబోయే మొదటి ఇండియన్ ప్రీ రిలీజ్ ఈవెంట్ గా గేమ్ ఛేంజర్ నిలవనుంది. అయితే బాలయ్య కూడా ఇదే బాటలో చేరాడు. గేమ్ ఛేంజర్ సినిమా సంక్రాతికి వస్తుండగా బాలకృష్ణ డాకు మహారాజ్ కూడా సంక్రాంతి కానుకగా జనవరి 12 రిలీజ్ కానుంది. తాజాగా ఈ సినిమా ఈవెంట్ ని అమెరికాలో నిర్వహించబోతున్నట్టు ప్రకరటించారు. జనవరి 4వ తారీకు సాయంత్రం అమెరికాలోని డల్లాస్ లో డాకు మహారాజ్ ఈవెంట్ చేయనున్నారు. ఈ ఈవెంట్ కు బాలయ్య కూడా హాజరుకాబోతున్నటు సమాచారం. డల్లాస్ అంటేనే తెలుగు వాళ్ళు ఎక్కువగా ఉండే ప్లేస్, అందులోను అమెరికాలో బాలయ్య ఫ్యాన్స్ చాలా మంది ఉన్నారు. గతంలో అమెరికా నుంచి జై బాలయ్య స్లొగన్స్ తో వచ్చిన వీడియోలు వైరల్ అయ్యాయి. ఇప్పుడు ఏకంగా బాలయ్య ఈవెంట్ అమెరికాలో పెడుతుండటంతో బాలయ్య ఫ్యాన్స్ అంతా జై బాలయ్య అని మారు మోగించడానికి రెడీ అయిపోతున్నారు.