చిరంజీవిపై దారుణమైన ట్రోల్స్‌.. కోప్పడిన మెగా కోడలు లావణ్య త్రిపాఠి

మెగాస్టార్ చిరంజీవిపై సోషల్ మీడియాలో జరుగుతున్న ట్రోల్స్‌పై మెగా కోడలు, నటి లావణ్య త్రిపాఠి మరోసారి తీవ్రంగా స్పందించారు. ఇటీవల రామ్ చరణ్-ఉపాసన దంపతులకు కవలలు (బాబు, పాప) జన్మించిన శుభసందర్భంలో.. గతంలో చిరంజీవి 'మెగా వారసుడి' గురించి చేసిన వ్యాఖ్యలను కొందరు నెటిజన్లు తప్పుగా వాడుతూ విమర్శలు చేశారు. ఈ నేపథ్యంలో లావణ్య త్రిపాఠి ఘాటుగా స్పందిస్తూ, తమ కుటుంబం గురించి తెలియని వారు చేసే ఇటువంటి విషపూరితమైన విమర్శలను తాను సహించబోనని హెచ్చరించారు. తాజాగా లావణ్య ప్రధాన పాత్రలో నటించిన 'సతీ లీలావతి' సినిమా రిలీజ్ డేట్ అనౌన్స్‌మెంట్ ఈవెంట్‌లో ఆమె ఈ విషయంపై మరోసారి మాట్లాడారు. "రామ్ చరణ్‌కి కవలలు పుట్టిన ఆనందంలో మేం సెలబ్రేట్ చేసుకుంటుంటే, ఆ సమయంలో విమర్శలు చేయడం చాలా తప్పు. మా ఫ్యామిలీ జోలికొస్తే నేను అస్సలు ఊరుకోను, అందుకే ఆ రోజు అంత స్ట్రాంగ్‌గా రియాక్ట్ అయ్యాను" అని ఆమె స్పష్టం చేశారు. చిరంజీవి తన కుటుంబంలోని మహిళలను, ముఖ్యంగా మనవరాళ్లను ఎంతో గౌరవంగా చూస్తారని, ఆయన వ్యక్తిత్వంపై మాట్లాడే అర్హత విమర్శకులకు లేదని ఆమె కౌంటర్ ఇచ్చారు. ఇక సినిమాల విషయానికి వస్తే, పెళ్లి తర్వాత లావణ్య త్రిపాఠి నటిస్తున్న ఈ క్రేజీ ప్రాజెక్ట్ 'సతీ లీలావతి' మార్చి 6న థియేటర్లలోకి రానుంది. దేవ్ మోహన్ హీరోగా, తాతినేని సత్య దర్శకత్వంలో తెరకెక్కిన ఈ చిత్రం పూర్తి వినోదాత్మకంగా ఉంటుందని చిత్ర యూనిట్ తెలిపింది. మెగా కుటుంబ గౌరవం కోసం లావణ్య తీసుకుంటున్న స్టాండ్‌ను చూసి మెగా అభిమానులు ఆమెను 'రియల్ మెగా కోడలు' అంటూ ప్రశంసిస్తున్నారు.