ఐపీఎల్ చరిత్రలో నికోల‌స్ పూర‌న్ అరుదైన రికార్డు

ఉప్ప‌ల్‌లోని రాజీవ్ గాంధీ ఇంటర్నేషనల్ స్టేడియంలో సన్‌రైజర్స్ హైదరాబాద్ తో జరిగిన మ్యాచ్‌లో ల‌క్నో సూప‌ర్ జెయింట్స్ బ్యాట‌ర్‌ నికోలస్ పూరన్ కేవలం 26 బంతుల్లోనే 70 పరుగులు చేసి తుపాన్‌ ఇన్నింగ్స్ ఆడాడు. అత‌ని ఇన్నింగ్స్ లో 6 ఫోర్లు, 6 సిక్సర్లు న‌మోదు కావ‌డం విశేషం. ఈ క్రికెటర్ కేవలం 18 బంతుల్లోనే అర్ధ సెంచరీ బాదాడు. దీంతో అతడు ఐపీఎల్ చరిత్రలో 20 బంతుల్లోపే అత్య‌ధిక హాఫ్ సెంచ‌రీలు న‌మోదు చేసిన ఆట‌గాడిగా రికార్డుకెక్కాడు. ఇప్ప‌టివ‌ర‌కు పూర‌న్ ఈ ఫీట్‌ను నాలుగు సార్లు సాధించాడు. ఆ త‌ర్వాత‌ ట్రావిస్ హెడ్, జేక్ ఫ్రేజర్-మెక్‌గుర్క్‌లు చెరో మూడు హాఫ్ సెంచరీలతో సంయుక్తంగా రెండవ స్థానంలో ఉన్నారు. ఇక‌ పూరన్ నిన్న‌టి మ్యాచ్‌లో ఏకంగా 269.23 స్ట్రైక్ రేట్‌తో బ్యాటింగ్ చేయ‌డం గ‌మ‌నార్హం.