గద్దర్ నటించిన చివరి సినిమా.. ‘ఉక్కు సత్యాగ్రహం...

విశాఖ ఉక్కు తెలుగు వారి హక్కు నినాదంతో తెరకెక్కిన సినిమా ఉక్కు సత్యాగ్రహం. ఈ సినిమాలో సత్యారెడ్డి హీరోగా నటిస్తూనే దర్శక, నిర్మాత బాధ్యతలు వహించారు. ఈ సినిమాలో విప్లవ కవి గద్దర్ నటించారు. గద్దర్ నటించిన చివరి సినిమా ఇదే కావడం విశేషం. తాజాగా ఈ సినిమా రిలీజ్ డేట్ ని ప్రకటించారు. ఉక్కు సత్యాగ్రహం సినిమా ఈ నెల 29న విడుదల చేస్తున్నారు. ఈ సినిమాలో గద్దర్ మూడు పాటలు పాడి రెండు పాటల్లో, కొన్ని సీన్స్ లో నటించారు. ఎంతో మంది ఉద్యమకారులని దృష్టిలో ఉంచుకొని ఈ సినిమా కథానాయకుడి పాత్ర గద్దర్ గారు తీర్చిదిద్దారు. ఈ సినిమా నిజ జీవితానికి దగ్గరగా ఉన్న ఉద్యమ సినిమా అని తెలిపారు.