సత్తుపల్లిలో బ్రహ్మానందం పేరుతో ఫాస్ట్ ఫుడ్ సెంటర్

జాతీయ స్థాయిలోనే ఎంతో పేరు ప్రఖ్యాతలు సంపాదించిన నటుడు బ్రహ్మానందం. అలాంటి బ్రహ్మానందం పేరుతో ఖమ్మం జిల్లా సత్తుపల్లి లో ఒక ఫాస్ట్ ఫుడ్ సెంటర్ ఉంది. అంతే కాదు ఆ ఫాస్ట్ ఫుడ్ సెంటర్ లో నటుడు బ్రహ్మానందం కు అత్యంత ఇష్టమైన రుచికరమైన ఫాస్ట్ ఫుడ్ వంటకాలు ప్రత్యేకం. అసలు కథ ఏమిటంటే… రాజు అనే యువకుడికి ఉత్తమ కామెడియన్ జాతీయ స్థాయి తెలుగు సినిమా నటుడు బ్రహ్మానందం అంటే చాలా అభిమానం అంట. ఆ అభిమానంతో తాను ఆగలేదు. తన అభిమానం గుండెల్లోనే దాచుకోలేదు. తన అభిమాన నటుడు బ్రహ్మానందం పేరుతో ఒక ఫాస్ట్ ఫుడ్ సెంటర్ కూడా పెట్టాడు. వాస్తవానికి ఆ ఫాస్ట్ ఫుడ్ సెంటర్ కు ఎవ్వరైనా వస్తే…అది బ్రహ్మానందం ఫాస్ట్ ఫుడ్ సెంటర్ అనే అనుకుంటారు. అలా ఆ సెంటర్ మొత్తం బ్రహ్మానందం ఫోటోలతో నిండిపోతుంది. అక్కడికి వచ్చే వాళ్లు కూడా బ్రహ్మానందం అంటే అభిమానం ఉన్నవాళ్ళే వస్తుంటారు అంట.