తెలుగు మీడియా మొఘల్ రామోజీ కన్నుమూత

మీడియా మొఘల్, ఈనాడు గ్రూప్‌ సంస్థల ఛైర్మన్‌ రామోజీరావు ఈరోజు ఉదయం కన్నుమూశారు. గత కొంతకాలంగా అనారోగ్య సమస్యలతో బాధపడుతున్న రామోజీ రావు గత బుధవారం అస్వస్థతకి గురయ్యారు.శ్వాస తీసుకోవడంలో ఇబ్బందులు ఎదురవడంతో హైదరాబాద్‌లోని ఓ ప్రైవేట్ ఆసుపత్రిలో కుటుంబ సభ్యులు చేర్పించారు. అక్కడ ఆయన చికిత్స పొందుతూ ఈరోజు తెల్లవారుజామున 4.50 గంటలకు తుదిశ్వాస విడిచారు. ప్రజల సందర్శనార్థం ఫిల్మ్‌సిటీలోని నివాసానికిరామోజీపార్థివదేహాన్నితరలించనున్నారు.మార్గదర్శి, ఈనాడు సంస్థల వ్యవస్థాపకుడిగా తెలుగు రాష్ట్రాల్లో ప్రత్యేక ముద్ర వేసుకున్న రామోజీరావు.. తెలుగు మీడియా గమనాన్ని మార్చేసిన దార్శనికుడిగా పేరు గడించారు. రామోజీ ఫిల్మ్‌ సిటీ ఏర్పాటుతో హైదరాబాద్, ఫిల్మ్ ఇండస్ట్రీ అభివృద్ధిలో ఆయన భాగమయ్యారు.