టాలీవుడ్‌లో మోస్ట్ ఎలిజిబుల్ బ్యాచిలర్స్ వీళ్లే.. లిస్ట్‌లో ఫస్ట్ ప్రభాస్!

టాలీవుడ్‌లో ఇటీవల అఖిల్, విజయ్ దేవరకొండ, నారా రోహిత్ వంటి హీరోలు వరుసగా ఓ ఇంటివారు కావడంతో, ఇండస్ట్రీలోని మిగిలిన 'మోస్ట్ ఎలిజిబుల్ బ్యాచిలర్స్' పెళ్లిళ్లపై చర్చ జోరందుకుంది. ఈ జాబితాలో అందరికంటే ముందు వరుసలో ఉన్న 39 ఏళ్ల సాయి దుర్గతేజ్, అన్నీ అనుకూలిస్తే ఈ ఏడాదిలోనే పెళ్లి చేసుకుంటానని ప్రకటించి అభిమానుల్లో ఆసక్తిని రేకెత్తించారు. మరోవైపు 37 ఏళ్ల రామ్ పోతినేని పెళ్లిపై కూడా రకరకాల పుకార్లు వినిపిస్తున్నప్పటికీ, ప్రస్తుతం అవి కాస్త మందగించాయి. ఇక నవీన్ పొలిశెట్టి (36), సందీప్ కిషన్ (38) కూడా పెళ్లి వార్తలను తెలివిగా దాటేస్తున్నారు. ప్రభాస్ పెళ్లి చేసుకున్న వెంటనే తాను కూడా చేసుకుంటానని నవీన్ చమత్కరించగా, సమయం వచ్చినప్పుడు అన్నీ జరుగుతాయని సందీప్ కిషన్ పేర్కొంటున్నారు. వీరితో పాటు అడివి శేష్ (40), సిద్ధు జొన్నలగడ్డ (38), రాజ్ తరుణ్ (34), విశ్వక్ సేన్ (31), బెల్లంకొండ శ్రీనివాస్ (33) వంటి హీరోలు కూడా ఇంకా బ్యాచిలర్స్ గానే కొనసాగుతూ తమ వ్యక్తిగత విషయాలను గోప్యంగా ఉంచుతున్నారు. అందరి కంటే ముఖ్యంగా 46 ఏళ్ల రెబల్ స్టార్ ప్రభాస్ పెళ్లి గురించి ఎప్పుడూ ఏదో ఒక వార్త వినిపిస్తూనే ఉంటుంది. అయితే, ఆయన పెళ్లి ఎప్పుడు జరుగుతుందో తెలియక చివరికి అభిమానులు కూడా ఆ విషయాన్ని పట్టించుకోవడం తగ్గించేశారు. వరుసగా కుర్ర హీరోలందరూ ఒకరి తర్వాత ఒకరు పెళ్లి పీటలెక్కుతుండటంతో, తదుపరి శుభలేఖ ఎవరి ఇంటి నుండి వస్తుందోనని టాలీవుడ్ వర్గాలు ఆసక్తిగా ఎదురుచూస్తున్నాయి.